NORMATIVA:

– Decreto 13/2022, do 3 de febreiro, polo que se regula a admisión de alumnado en centros docentes sostidos con fondos públicos que imparten ensinanzas de segundo ciclo de educación infantil, de educación primaria, de educación secundaria obrigatoria e de bacharelato.

– Orde do 21 de outubro de 2022, pola que se desenvolve o Decreto 13/2022, do 3 de febreiro, e se regula o procedemento de admisión do alumnado nos centros docentes sostidos con fondos públicos que imparten ensinanzas de segundo ciclo de educación infantil, de educación primaria, de educación secundaria obrigatoria e de bacharelato reguladas na Lei orgánica 2/2006, do 3 de maio, de educación.

– Acordo do 11 de outubro de 2023 sobre medidas que melloran o funcionamento do sistema educativo e as condicións laborais do persoal funcionario e laboral docentes da Comunidade autónoma de Galicia.

– Lei 5/2024, do 27 de decembro, de Medidas fiscais e administrativas publicada no Diario Oficial de Galicio do 31 de decembro de 2024 (artigos 40 e 41).

NOTA INFORMATIVA:

1º) Todo o alumnado incluído no ámbito desta orde poderá presentar solicitude de admisión, pedindo ata seis centros por orde de preferencia, e alegar os criterios de admisión que pretenda que se lle valoren. Esta solicitude de admisión dirixirase ao centro solicitado no primeiro lugar.
Despois de presentar unha solicitude de admisión, para renunciar a ela deberá facerse expresamente, indicándoo no recadro correspondente da nova solicitude que deberá presentarse.

2º) O alumnado que teña prioridade para continuar estudos nun centro de adscrición pode exercer o seu dereito á reserva de praza presentando solicitude de reserva no centro adscrito, isto é, no que está matriculado nese momento, e identificará centro de adscrición que solicita.

3º) A solicitude de reserva ou admisión é única para cada alumno/a e ten carácter vinculante. A súa presentación implica que son certos os datos indicados nela.
A existencia dunha solicitude de admisión presentada en prazo sen renunciar expresamente á anterior e, así mesmo, a existencia dunha solicitude de admisión sen ter renunciado á praza reservada a 28 de febreiro (este incluído) poderá ser causa de perda do dereito a participar no procedemento.
4º) A admisión e matrícula nun centro docente público ou privado concertado implicarán respectar o proxecto educativo e o carácter propio do centro privado concertado.

5º) Toda a información relativa ao procedemento de reserva e admisión do alumnado poderá ser consultada polas familias na Apliación AdmisiónAlumnado (https://www.edu.xunta.gal/admisionalumnado).

ÁREA DE INFLUENCIA DO CENTRO

SERVIZOS COMPLEMENTARIOS DO CENTRO:

• Autobús escolar
• Comedor escolar
• Madrugadores
• Actividades extraescolares